Maguguluhan ka.

Mahuhuli ka sa lakad mo.

Kulang ka sa tulog sa kakaisip ng kung anu-ano.

Maaalala mo ‘yung mga nakaraang pilit mong kinalimutan noon.

Nilalamig ka kahit tirik na tirik ang araw.

Pagdududahan mo ‘yung mga taong nakapaligid sa’yo.

Susubukan nilang yurakan ang pagkatao mo.

Nahuhulog ka na walang sumasalo sa’yo.

May sumalo na sa’yo.

Akala mo totoo ‘yung nakita mo.

‘Yung kaibigan mo naging kaaway mo.

May topak ka.

Gumagawa ka ng desisyon na hindi mo pinag-isipang mabuti.

Nag-agaw buhay ka.

May nag-alay sa’yo ng buhay.

Magmamahal ka ng tunay.

May taong hindi ka mamahalin.

May taong hindi mo mamahalin.

May magmamahal sa’yo ng tunay.

Matatauhan ka nalang na hindi mo pala dapat inuuna ang iba.

Malalaman mo na lang na ‘yung mga ginagawa mo ay balewala para sa kanila.

Makakaramdam ka ng takot dahil sa sobrang kaligayan.

Masaya ka dahil may ginawa kang mali o ipinagbabawal.

May kakausap sa’yo.

May hindi papansin sa’yo

Matatae ka sa sobrang kaba.

Magugulat ka na lang na nagkamali at nakasakit ka na pala.

Masasaktan ka ng sobra sobra.

Hindi mo na kaya.

Wala kang matakbuhan.

Sinasarili mo na lang.

Pinipilit mo na lang.

Iniisip mo na lang na ”Misan lang naman ‘to kaya ok lang.”

Minsan nga lang ba talaga?